كيف تحصل على عضلات البطن ؟ SIX PACK ABS
السلام عليكم ورحمة الله
موضوعنا اليوم عن عضلات البطن وكيفية الحصول عليهم لكن قبل مانبدأ كيف ؟ لازم نتكلم عن الاخطاء الشائعة يلي تسويها الناس للحصول على عضلات بطن . عضلات البطن مثلها مثل اي عضلة في الجسم مافي شى تسويه سحري لتحصل عليها دائما اكون جالس مع اصحابي ويتكلمون على الموضوع يقولوا سوي التمارين هذي لمدة أسبوع وراح يطلعلك عضلات بطن بسرعة والمشكلة هم ماعندهم أصلا P:
الأخطاء الشائعة ؟
1- تسوي تمرين المعدة كل يوم / كل شخص في العالم عنده عضلات بطن لكن متغطية بطبقة من الدهون مشان كذا ماتقدر تشوفها تمارين البطن تقوي عضلات البطن لكن ماتحرق الدهون يلي عليها الشى الوحيد يلي تسويه لتشوف عضلات البطن انك تنزل من نسبة الدهون في جسمك الى 10-7% طبعا عن طريق الرياضة والاكل الصحي
2- لازم تشتري شئ لتحصل على عضلات البطن/ كثير من الناس تشوف الاعلانات يروحون يشترون اشياء هم مايحتاجونها مثل ألة تمرين البطن او يشتري بدلة ساونة او يشتري كريم خاص لحرق الدهون او حزام يربطة على بطنه زي ماذكرت فوق تسوي رياضة وتأكل صحي يعني تحرق اكثر مما تأكل وانا شرحت كيف يعني تحرق اكثر مما تأكل في المدونة اول موضوع . ليه تصرف فلوسك على شى ماله فايدة وله أضرار ومكلف ؟
3- سوي تمرين معينة لتحصل على عضلات البطن/ لو في تمرين معين يطلع عضلات البطن في 10 دقائق كان كل الناس في العالم عندهم عضلات بطن والمشكلة في ناس تصدق وتسوي التمارين وماتحصل على شئ
طيب تكلمنا عن الاخطاء يلي بعض الناس تسويها خلينا نتكلم كيف تحصل على عضلات البطن؟
1- نزل من نسبة الدهون في جسمك يعني من 7-10% يعني احرق اكثر مما تأكل (شرحت كيف تحرق اكثر مما تأكل في اول موضوع في المدونة) لما تنزل من نسبة الدهون في جسمك مباشرة عضلات البطن تظهر طبعاً عن طريق الاكل الصحي والرياضة
2- اتمرن 3/4 مرات تمارين البطن في الاسبوع لا تتمرن اكثر من كذا عضلات البطن زيها زي اي عضلة تحتاج لراحة
3- اشرب ماء كثـــير / شرب كثير من الماء أُثبتَ بأنه يساعد في خسارة الوزن ( وخسارة الوزن= عضلات بطن) في أسباب كثيرة أوضحت بأن شرب الماء يساعد في خسارة الوزن ومنها شرب الماء قبل الاكل بــ ربع ساعة يملئ معدتك ويجعلك تحس بالشبع مما يؤدي الى تناول كمية أقل من الأكل يعني يخفف من شهيتك وهو المحرك الاساسي لعملية الايض وحرق السعرات.
4- الصبر / اهم شئ انك تصبر وتحفزمن نفسك بصور قبل وبعد.
--- الحصول على عضلات بطن مو سهل مثل ماانت تعتقد لو كان سهل ماكان لقيت شخص في الشارع سمين !
(تذكر دايماً بأن 90% تغذية 10% تمارين بطن = عضلات بطن )
انا ما قاعد اقول انه تمارين البطن مو مهمة بالعكس هي مهم جداً لكن ماراح تحرق من الدهون في جسمك طيب ليه هي مهمة؟
1- لتقليل من الاحتمالات في الأصابة في أسفل الظهر
2- تحسن في أدائك الرياضي تقريبا في كل الرياضة تحتاج لمعدة قوية مثل الرمي والملائكة وكرة السلة ...كلها تحتاج معدة قوية
اتمنى المقال عجبكم وانتظرونا في المزيد
ليست هناك تعليقات:
إرسال تعليق